- 659 -

1439. März 7. Brieg.

Elysabeth von gots genaden herczoginn in Slesien czum Brige vnd czu Lignicz.
Vnsern besundern gruss vnd alles guth, lieber erre Marckwart. Als ir denne wol wist wie is czwischen vnsern bruder vnd euch vnd vns berett ist, bitten wir euch mit fleisse, das ir vns silchen brieff vnd bestetugunge vber das Sloss Kocznaw vnd andere güther noch dem vnd euch vnser statschreiber von Lignicz sagen wird vnd vnderrichten, auszrichten vnd vnuorczogenlichen schaffen wellit, was wir euch denne dorfur geben sullen das wellen wir mit willen gerne thun vnd haben das dem edelen groff Johannes von Schawmburg befolen, was er vns heyst, das wellen wir gerne geben vnd bitten euch, lost vns domit nicht gesewmpt werden vnd das vns sulche brieff yczund müssen werden, das wellen wir ymmer mit fleisse vmbe euch vorschulden. Geben zcu Brige am Sonnabend vor Oculi anno & XXXIX.

Rückaufschrift: Dem erbarn vnd woltuchtigen Marckwart, vnsers allergnedigsten herren des römischen etc. kunigs obersten Schreiber, vnserm guten gnnner.

Liegn. Arch. Act. No. 188. Ohne Nummer.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866